ថ្ងៃសុក្រ ទី៧ ខែកញ្ញា ឆ្នាំ២០១២ ម៉ោង ១១:៤០
រាជធានីភ្នំពេញ ៖ លោក KENNETH MICHAEL MASON
អាយុ៤៣ឆ្នាំ ជនជាតិអាមេរិក ជាគ្រូបង្រៀន
អាសយដ្ឋានស្នាក់នៅផ្ទះលេខ៩AE0 ផ្លូវសុធារស សង្កាត់ចតុមុខ
ខណ្ឌដូនពេញ កាលពីថ្ងៃទី៥ កញ្ញា បានប្រកាសជាចំហថា
លោកបានបាត់កូនស្រីជាទីស្រឡាញ់ម្នាក់អាយុទើប៣ឆ្នាំ
កន្លះ ។ ការបាត់ខ្លួនកូនស្រីនោះ
គឺអតីតប្រពន្ធរបស់លោកបានលួចយកទៅ
ដូច្នោះបើបងប្អូនណាបានឃើញសូមផ្តល់ជាព័ត៌មាន
លោកនឹងជូនសគុណជាទីគាប់ចិត្ត តាមទូរស័ព្ទលេខ ០១៧ ៣៨២ ៨៧៧
ដោយធានារក្សាការសម្ងាត់ដល់អ្នកផ្តល់ព័ត៌មានទៀតផង ។
លោក KENNETH MICHAEL MASON បានរៀបរាប់ថា
កូនស្រីលោកដែលបាត់នេះអាយុ៣ឆ្នាំកន្លះ
មានឈ្មោះម៉ាសាន់ អាណេផាមីឡា
ដែលអតីតប្រពន្ធរបស់លោកបានលួចយកទៅកាលពី២ខែមុន ។
លោកបន្តថា មុនឆ្នាំ២០១០
លោកមានភរិយាជាស្ត្រីខ្មែរម្នាក់ឈ្មោះកែវ ចាន់រតនា
អាយុ២៦ឆ្នាំ ជាអ្នកកាត់ដេរ ស្នាក់នៅផ្ទះលេខ៣៤E0
ផ្លូវលេខ១៥៤ សង្កាត់ជ័យជំនះ ខណ្ដដូនពេញ រាជធានីភ្នំពេញ
។ ក្រោយពីការរួមរស់ជាមួយគ្នាជាប្តីប្រពន្ធ
លោកនិងនាងកែវ ចាន់រតនា
ក៏មានកូនស្រីម្នាក់គឺឈ្មោះម៉ាសាន់ អាណេផាមីឡា នេះ ។
បន្ទាប់មកក្នុងរង្វង់គ្រួសារលោកមានភាពរកាំរកូសរស់នៅមិន
ចុះសម្រុងគ្នា
ក៏បានព្រមព្រៀងលែងលះគ្នាតាមផ្លូវតុលាការ
ដោយបានបែងចែកទ្រព្យសម្បត្តិ លុយកាក់
មួយចំនួនឱ្យនាងជាភរិយា ។
រីឯរូបលោកទទួលយកកូនចិញ្ចឹមបីបាច់ថែរក្សា
តែទុកសិទ្ធិឱ្យម្តាយបានជួបជាធម្មតា ។
ចំណែកសាលក្រមផ្តាច់សង្វាសបានចូលជាស្ថាពរនៅក្នុងអំឡុង
ខែមករា ឆ្នាំ២០១១ ។ ចាប់តាំងពីពេលនោះមកនាងកែវ
ចាន់រតនា អតីតជាភរិយាបានបែកផ្លូវគ្នារហូត
ព្រមទាំងមិនដឹងថានាងទៅរស់នៅទីណាទេ ។
អស់រយៈពេលជិត២ឆ្នាំមកនេះ
ចៃដន្យកូនស្រីលោកឈឺ
ហើយត្រូវនាំយកទៅព្យាបាលនៅមន្ទីរពេទ្យ
ពេលនោះមានអ្នកស្គាល់នាងកែវ ចាន់រតនា បានទូរស័ព្ទប្រាប់
ហើយនាងក៏បានមកមើលកូនដែរ ។
លុះពេលជំងឺកូនស្រីបានធូស្រាល
លោកក៏បានយកកូនមកផ្ទះវិញ
ពេលនោះម្តាយរបស់កូនក៏តាមមកមើលទៀត ។ ដោយយល់ឃើញថា
នាងជាម្តាយពិតជាយល់អ្វីហៅថា
សាលក្រមផ្តាច់សង្វាសបានចូលជាស្ថាពរហើយនោះ
និងកាន់តែយល់ថែមទៀតក្នុងការបែងចែកទ្រព្យសម្បត្តិ
ប្រពន្ធកូន ។
លោកនិយាយថា
នៅពេលលោកបានចេញទៅធ្វើការងារក្រៅផ្ទះ ស្រាប់តែនាងកែវ
ចាន់រតនា បានលួចយកកូនស្រីទៅបាត់ ។ ពេលដំបូងលោកគិតថា
ប្រហែលជាម្តាយគេយកកូនទៅលេង២ទៅ៣ថ្ងៃប៉ុណ្ណោះ
លោកមិនបានសួរនាំអ្វីទេ ដោយរវល់ការងារច្រើនផង ។
ការទទឹងរង់ចាំកាន់តែអូសបន្លាយទៅអស់រយៈពេល២ខែ អតីតភរិយាអត់បានយកកូនមកប្រគល់ឱ្យលោកជាឪពុកវិញទេ ថែមទាំងផ្តាច់ការទំនាក់ទំនងទៀតផង ។ ប្រការនេះដែល លោកចាត់ទុកថា អតីតភរិយាពិតជាមានបំណងអាក្រក់លួចយកកូនលោកទៅហើយ ។ ដោយយល់ឃើញយ៉ាងដូច្នេះទើបបានរូបលោកសម្រេចចិត្តប្រកាសជា សាធារណៈដល់បងប្អូនប្រជាពលរដ្ឋទាំងអស់ទូទាំងប្រទេស បើបានឃើញម្តាយនិងកូនដូចមានភិនភាគក្នុងរូបថតនេះ សូមផ្តល់ដំណឹងជាបន្ទាន់តាមរយៈលេខទូរស័ព្ទខាងលើ លោកនឹងមានជូនសគុណជាទីគាប់ចិត្ត ៕
ការទទឹងរង់ចាំកាន់តែអូសបន្លាយទៅអស់រយៈពេល២ខែ អតីតភរិយាអត់បានយកកូនមកប្រគល់ឱ្យលោកជាឪពុកវិញទេ ថែមទាំងផ្តាច់ការទំនាក់ទំនងទៀតផង ។ ប្រការនេះដែល លោកចាត់ទុកថា អតីតភរិយាពិតជាមានបំណងអាក្រក់លួចយកកូនលោកទៅហើយ ។ ដោយយល់ឃើញយ៉ាងដូច្នេះទើបបានរូបលោកសម្រេចចិត្តប្រកាសជា សាធារណៈដល់បងប្អូនប្រជាពលរដ្ឋទាំងអស់ទូទាំងប្រទេស បើបានឃើញម្តាយនិងកូនដូចមានភិនភាគក្នុងរូបថតនេះ សូមផ្តល់ដំណឹងជាបន្ទាន់តាមរយៈលេខទូរស័ព្ទខាងលើ លោកនឹងមានជូនសគុណជាទីគាប់ចិត្ត ៕