ដោយ ៖ សហការី (នគរវត្ត)
ថ្ងៃទី 09-07-2011 ម៉ោង 09:05:08
ថ្ងៃទី 09-07-2011 ម៉ោង 09:05:08
ភ្នំពេញ ៖ ក្នុងរយៈពេលប៉ុន្មានថ្ងៃចុងក្រោយនេះជនជាតិវៀតណាមដែល និយមបរិភោគមីភ័យសឹងលស់ព្រលឹង ដោយសារព័ត៌មានអំពីអាហារដែលមានផ្ទុកជាតិ DEHPE ដែលគេរកឃើញថា មីកញ្ចប់ស្ទើរទាំងអស់នៅក្នុងប្រទេសវៀតណាមមានផ្ទុកជាតិគីមីពណ៌ម្យ៉ាងឈ្មោះ Tartrazine (E102) ដែលបណ្ដាលឱ្យប៉ះពាល់ដល់សុខភាព ជាពិសេសវាអាចបំផ្លាញ ADN របស់បុរស ។
E102 ជា ជាតិមានពណ៌ចម្រុះដែលគេមិនត្រឹមតែប្រើប្រាស់នៅក្នុងមីកញ្ចប់ ប៉ុណ្ណោះទេ តែបានលាយចូលទៅក្នុងភេសជ្ជៈជាច្រើនប្រភេទទៀតផងដូចជា ស្រា និងនំបំពងជាដើម។ បច្ចុប្បន្នកាលសាធារណជនកំពុងក្រែងរអែងយ៉ាងខ្លាំងចំពោះព័ត៌មានដែល ផ្សព្វផ្សាយថា មី កញ្ចប់វៀតណាមមានផ្ទុកសារជាតិ E102 ដែលអាចបណ្ដាលឱ្យប៉ះពាលដល់សុខភាព ។
តាមការស្រាវជ្រាវផ្នែកវិទ្យាសាស្ដ្រពិភពលោកបានឱ្យដឹងថា មនុស្សអាយុចាប់ពី៣-៩ឆ្នាំ បើសិនជាប្រើប្រាស់ផលិតផលដែលមានផ្ទុកជាតិ E102 ជាប់រហូតក្នុងរយៈពេលយូរនឹងប៉ះពាលដល់សុខភាពយ៉ាងខ្លាំងដូចជាបណ្ដាលឱ្យឆាប់ខឹងភ្លេចភ្លាំងច្រើន , ឯបុរសវិញនឹងធ្វើខូចប្រព័ន្ធបន្ដពូជ។ បច្ចុប្បន្នប្រទេសជាច្រើននៅតែប្រើបាស់ E102 ក្នុងអាហារនៅឡើយ។ មានប្រទេសតិចតួចណាស់ដែលមិនប្រើជាតិគីមីនេះ។ ដោយឡែកប្រទេសជប៉ុនហាមប្រើ E102 ជាដាច់ខាត ។
យោងតាមព័ត៌មានអេឡិចត្រូនិក Phunutoday របស់វៀតណាមផ្សាយនៅថ្ងៃទី៧ ខែកក្កដា ឆ្នាំ២០១១ បានបញ្ជាក់ថា លោក Nguyen Manh Hung អនុ ប្រធាន និងជាអគ្គលេខាធិការសមាគមការពារអ្នកបរិភោគផលិតផលវៀតណាមបានឱ្យ ដឹងថា នៅប្រទេសវៀតណាមឆ្នាំ២០១០ បានប្រើប្រាស់មីកញ្ចប់ទាំងអស់ប្រហែល៥ពាន់លានកញ្ចប់គឺឈរលំដាប់ លេខ៤លើពិភពលោក។ ចាប់ពីខែមីនា ឆ្នាំ២០១១ សិប្បកម្មផលិតមីកញ្ចប់ទូទាំងប្រទេសបានប្រើប្រាស់ E102 ដើម្បី ធ្វើឱ្យផលិតផលមានពណ៌ថ្លាទាក់ទាញអតិថិជន និងសន្សំសំចៃការចំណាយក្នុងផលិតកម្មនេះបើសិនប្រៀបធៀបទៅនឹងការ ប្រើពណ៌ដែលចម្រាញ់ពីធម្មជាតិ ។
អាស្រ័យ ហេតុនេះមតិសាធារណជនដែលយកចិត្ដទុកដាក់នឹងដំណឹងអកុសលនេះ គឺជាប្រការចាំបាច់បំផុតដើម្បីការពារផលប្រយោជន៍ផ្ទាល់ខ្លួនម្នា ក់ៗ ។
អ្នកស្រី Nguyen Thi Hao នៅ ហាណូយបាននិយាយទាំងទឹកមុខបារម្ភប្រាប់អ្នកកាសែតថា “មីកញ្ចប់ជាអាហារទាន់ចិត្ដដែលគ្រួសារជាច្រើននិយមចូលចិត្ដ ពិសេសក្មេងៗតែងហូបមីនៅពេលព្រឹកមុនទៅសាលា។ ឥឡូវខ្ញុំព្រួយណាស់នៅពេលដឹងថា មីកញ្ចប់មានជាតិគីមីបំផ្លាញដល់សុខភាព” ។
ថ្មីៗនេះអ្នកបរិភោគមីកញ្ចប់តែងបានទទួលព័ត៌មានដែលទាក់ទងទៅនឹងសុខភាពគ្រួសារ ដោយសារតែមីកញ្ចប់មានផ្ទុកជាតិ E102 ។ នាយកផ្នែកអនាម័យសុវត្ថិភាពចំណីអាហារបានបញ្ជាក់ថា នេះជាបញ្ហាដែលផ្នែករបស់លោកយកចិត្ដទុកដាក់បំផុត។ លោកបានលើកយោបល់នេះជាមួយនឹងក្រុមជំនាញនានា ព្រមទាំងបានពិភាក្សាជាមួយនឹងក្រុមជំនាញអំពីវត្ថុផ្សំនៅក្នុង ចំណីអាហារនៅឯមហាសន្និបាតក្រុមប្រឹក្សា Codex ពិភពលោកលើកទី៣៤នៅទីក្រុងហ្សឺណែវ ប្រទេសស្វីសកាលពីថ្ងៃទី៤-១០ ខែកក្កដា ឆ្នាំ២០១១ ។
តាមរយៈនោះនាយកផ្នែកអនាម័យសុវត្ថិភាពចំណីអាហារបានកំណត់យ៉ាងច្បាស់ថា ធាតុ E102 នេះគណៈកម្មការចម្រុះស្ដីពីវត្ថុផ្សំចំណីអាហារអន្ដរជាតិរបស់អង្គការ FAO/WHO ក៏ដូចជាគណៈកម្មការវិទ្យាសាស្ដ្រអឺរ៉ុបដែលបានធ្វើពិសោធន៍ចាប់ពីឆ្នាំ១៩៦៥-១៩៦៦, ១៩៧៥, ១៩៨៤ លើមូលដ្ឋានវិទ្យាសាស្ដ្របានឯកភាពគ្នាលើរបកគំហើញថាការបរិភោគប្រចាំថ្ងៃគឺនាំចូលក្នុងសរីរាង្គ ADI ពី០-៧,៥មីល្លីក្រាមក្នុងអាហារមួយគីឡូក្រាម ។
យោង ព័ត៌មានជាច្រើនដែលបានចុះផ្សាយជាបន្ដបន្ទាប់ គឺចាប់ពីខែ៣ ឆ្នាំ២០១១រហូតមកសិប្បកម្មផលិតមីកញ្ចប់ស្ទើតែទាំងអស់នៅក្នុង ប្រទេសវៀតណាមបានប្រើប្រាស់ E102 ដើម្បី ចំណេញប្រាក់ក្នុងមួយកញ្ចប់ពី៥០ទៅ១០០ដុង បើប្រៀបធៀបទៅនឹងការប្រើវត្ថុពណ៌ចម្រាញ់ពីធម្មជាតិ។ បើសិនជាគុណនឹង៥ពាន់លានកញ្ចប់ដែលប្រទេសវៀតណាមប្រើប្រាស់ ក្នុងឆ្នាំ២០១០នោះ គឺក្រុមអ្នកផលិតមីកញ្ចប់បានចំណេញថវិកាយ៉ាងច្រើនក្រាស់ក្រែល ។
ឋិតនៅចំពោះមុខនៃសុវត្ថិភាពសុខភាពប្រជាជនទូទាំងប្រទេស , ក្រុម ការពារសុវត្ថិភាពអ្នកប្រើប្រាស់កំពុងតែចាត់វិធានការជាក់ស្ដែង មួយចំនួនដើម្បីបន្ថយឬកាត់ផ្ដាច់ការប្រើសារធាតុគិមី E102 នេះ ។ តាមគម្រោងគឺសមាគមនេះបានស្នើជាផ្លូវការទៅក្រសួងសុខាភិបាល ឱ្យ ចេញប្រកាសយកែ១០២ចេញពីតារាងសារធាតុគីមីផ្សំនឹងចំណីអាហារដែល ក្រសួងសុខាភិបាលបានចេញសេចក្ដីប្រកាសឱ្យប្រើប្រាស់លេខ៣៧៤២/QD BYT ចុះថ្ងៃទី៣១ ខែសីហា ឆ្នាំ២០០១នោះវិញ ។
នៅ ប្រទេសកម្ពុជាមីកញ្ចប់វៀតណាមបាននាំចូលយ៉ាងច្រើនសន្ធឹក សន្ធាប់ហើយប្រជាជនខ្មែរភាគច្រើននិយមចូលចិត្ដមីកញ្ចប់នេះ ពីព្រោះវាមានពណ៌ល្អនិងតម្លៃថោកហើយឆ្ងាញ់ជាងមីផ្សេងៗដែលនាំ ពីបរទេស៕