ថ្ងៃសុក្រ ទី១៦ ខែធ្នូ ឆ្នាំ២០១១ ម៉ោង ១៧:៤៩
ក្រុមអ្នកស្រាវជ្រាវបាននិយាយថា ក្មេងដែលមានឪពុកជក់បារីនៅចំពេលចាប់កំណើតក្នុងផ្ទៃម្តាយប្រឈម នឹងការកើតជំងឺមហារីកនៅវ័យកុមារដែលស្ថិតក្នុងប្រភេទជំងឺ ឈាមសស៊ីឈាមក្រហមដល់ទៅ១៥%។ Acute lymphoblastic
leukemia (ALL)គឺជាជំងឺមហារីកវ័យកុមារដ៏សាមញ្ញបំផុតហើយវាស្ថិតក្នុង ករណីកម្រដោយក្នុងក្មេង១ម៉ឺននាក់មានតែ៣ទៅ៥នាក់ប៉ុណ្ណោះដែលរង គ្រោះដោយជំងឺនេះ។ សាស្ត្រាចារ្យ Elizabeth Milneរបស់វិទ្យាស្ថាន Telethon Instituteទទួលបន្ទុកស្រាវជ្រាវសុខភាពកុមារនៅប្រទេសអូស្ត្រាលី បាននិយាយថា៖«លទ្ធផលនៃការសិក្សានេះបង្ហាញថា ឪពុកជាអ្នកជក់បារីបន្តកន្ទុយអំឡុងពេលការចាប់កំណើត គឺជាផ្នែកមួយនាំមកនូវគ្រោះថ្នាក់ជំងឺ ALLកុមារភាព »។បើទោះជាយ៉ាងនេះក្តី ការជក់របស់ម្តាយមិនបានបង្ហាញពីផលប៉ះពាល់ចំពោះសុខភាពទារកឡើយ គឺផ្ទុយស្រឡះពីការជក់របស់ឪពុក។ ក្មេងទាំងឡាយណាដែលឪពុករបស់ខ្លួនជក់បារីយ៉ាងតិច២០ដើមក្នុង មួយថ្ងៃចំពេលដែលគេចាប់កំណើត នោះនឹងធ្វើឱ្យពួកគេប្រឈមនឹងជំងឺមហារីក៤៤% ។ នៅមានកត្តាបរិស្ថានផ្សេងទៀតដែលនាំឱ្យក្មេង
ប្រឈមនឹងគ្រោះថ្នាក់ដោយជំងឺឈាមសស៊ីឈាមក្រហម៕