ថ្ងៃពុធ ទី២១ ខែធ្នូ ឆ្នាំ២០១១ ម៉ោង ១៧:៤១
ភពសិលាមួយដែលមានទំហំប៉ុននឹងភពផែនដីត្រូវ គេរកឃើញវិលជុំវិញផ្កាយមួយសណ្ឋានដូចជាព្រះអាទិត្យ។ វាជាលើកទី១ហើយដែលភពមានទំហំប៉ុនផែនដីត្រូវបានគេប្រទះឃើញ ស្ថិតនៅក្នុងប្រព័ន្ធ
ព្រះអាទិត្យមួយផ្សេងទៀត។ ក្រុមអ្នកវិទ្យាសាស្ត្របានដាក់ឈ្មោះភពថ្មីនេះថា Kepler 20f។ ពួកគេបានហៅសមិទ្ធផលបច្ចេកវិទ្យានៃការរកឃើញភពនៅក្នុងប្រព័ន្ធ ព្រះអាទិត្យផ្សេងមានទំហំប៉ុនផែនដីនេះថាបានបង្កើនឱកាសនៃការ ស្វែងរកពិភពលោកថ្មីដែលអាចឱ្យជីវិតរស់នៅបាន។
ព្រះអាទិត្យមួយផ្សេងទៀត។ ក្រុមអ្នកវិទ្យាសាស្ត្របានដាក់ឈ្មោះភពថ្មីនេះថា Kepler 20f។ ពួកគេបានហៅសមិទ្ធផលបច្ចេកវិទ្យានៃការរកឃើញភពនៅក្នុងប្រព័ន្ធ ព្រះអាទិត្យផ្សេងមានទំហំប៉ុនផែនដីនេះថាបានបង្កើនឱកាសនៃការ ស្វែងរកពិភពលោកថ្មីដែលអាចឱ្យជីវិតរស់នៅបាន។
បើទោះជាភពមួយក៏ដោយ Kepler 20fអាចមានបរិយាកាសចំហាយទឹកក្រាស់ ហើយផ្ទៃរាបរបស់វាត្រូវបានគេជឿថា មានសីតុណ្ហភាពក្តៅខ្លាំងសម្រាប់ការរស់នៅ។ ចំណែកភពទី២នៅក្នុងប្រព័ន្ធព្រះអាទិត្យដូចគ្នានឹងភពខាងលើ ឈ្មោះ Kepler 20eមានទំហំតូចជាផែនដីបន្តិចនិងសីតុណ្ហភាពក្តៅជាងផែនដីផងដែរ។ លោកបណ្ឌិត Francois Fressinតារាវិទូមកពីមជ្ឈមណ្ឌលHarvard-Smithsonian Centreសហរដ្ឋអាមេរិកបាននិយាយថា៖«នេះជាលើកទី១ដែលមនុស្សយើងបាន រកឃើញវត្ថុមួយស្រដៀងនឹងភពផែនដី។ ដូច្នេះប្រហែលជាយើងនឹងអាចរកឃើញភពផ្សេងទៀត។
វាជារបកគំហើញដ៏សំខាន់មួយ។ ខ្ញុំគិតថា រយៈពេល១០ឬ១០០ឆ្នាំពីពេលនេះទៅមុខមនុស្សយើងនឹងសម្លឹងមើលមក ក្រោយ ហើយសួរថាតើនៅពេលណាដែលភពប៉ុនផែនដីលើកដំបូងត្រូវបានរកឃើញ ។ នេះពិតជារឿងដ៏រំភើបរីករាយមួយ»។ កាលពីដើមខែនេះ អ្នកវិទ្យាសាស្ត្របានរកឃើញភពមួយឈ្មោះ Kepler-22bដែលមានទំហំធំជាងផែនដី ២,៤ដង ប៉ុន្តែអ្នកវិទ្យាសាស្ត្រនិយាយថា ភពនេះប្រហែលជាមិនអាចឱ្យជីវិតរស់នៅបានទេ។ រហូតមកទល់នឹងពេលនេះ ឧបករណ៍សង្កេតស្រាវជ្រាវអវកាសរបស់អាមេរិក Keplerបានរកឃើញភពចំនួន២៨ហើយ ៕