ថ្ងៃអង្គារ ទី៣១ ខែមករា ឆ្នាំ២០១២ ម៉ោង ១៨:១៥
គេហទំព័របរទេស
ការពិសាទឹកដោះគោមួយកែវក្នុងមួយថ្ងៃជួយបង្កើនថាមពលខួរក្បាល
ទឹកដោះគោត្រូវបានគេដឹងជាយូរមកហើយ ថា ជួយធ្វើឱ្យឆ្អឹងរឹងមាំនិងមានសុខភាពល្អហើយផ្តល់ជូនរាងកាយនូវ វីតាមីននិងប្រូតេអ៊ីន។ ពេលនេះបើយោងតាមការសិក្សាមួយអះអាងថា វាអាចជួយធ្វើឱ្យការចងចាំរបស់យើងបានល្អប្រសិនជាទទួលទាន ទៀងទាត់ ។ នេះគឺជាការរកឃើញដោយអ្នក
វិទ្យាសាស្ត្ររបស់សាកលវិទ្យាល័យ University of Maineសហរដ្ឋអាមេរិកបន្ទាប់ពីការធ្វើសិក្សាយ៉ាងលំអិតលើរបបអា ហារមនុស្សប្រុសស្រីប្រមាណជា៩៧២នាក់។បន្ទាប់ពីពិសោធខួរក្បាលរួច លទ្ធផលបានបង្ហាញថា មនុស្សពេញវ័យដែលប្រើប្រាស់ផលិតផលធ្វើពីទឹកដោះគោយ៉ាងតិច៥ទៅ៦ ដងក្នុងមួយសប្តាហ៍ ការចងចាំរបស់គេល្អគ្រាន់បើច្រើនជាងអ្នកដែលកម្រ ឬមិនដែលទទួលទានទឹកដោះគោសោះ ។ ឥទ្ធិពលនេះត្រូវបានក្រុមអ្នកស្រាវជ្រាវគិតថា ព្រោះតែក្នុងទឹកដោះគោសំបូរដោយម៉ាញេស្យូមដែលអាចជួយទប់ស្កាត់ ការភ្លេចភ្លាំង។
លើសពីនេះទៀតក្រុមអ្នកស្រាវជ្រាវដដែលយល់ថា ទឹកដោះគោប្រហែលជាអាចជួយការពារទប់ស្កាត់នឹងជំងឺបេះដូងនិង ការឡើងឈាមបាន។ ប៉ុន្តែត្រង់ចំណុចនេះ មានការជំទាស់ពីក្រុមអ្នកជំនាញមួយចំនួនដែលអះអាងផ្ទុយស្រឡះ ពីគ្នា ។ ទោះជាយ៉ាងណាក្តីអំណះអំណាងក្នុងព្រឹត្តិប័ត្រ International Dairy Journal ដែលថា ទឹកដោះគោមានអត្ថប្រយោជន៍ជួយផ្តល់ថាមពលដល់ខួរក្បាលគឺជាការ ពិត ៕